'திருமலை மாவட்ட ஆசிரியர் இடமாற்றத்தில் அரசியல் தலையீடு இருக்கக்கூடாது'

(எஸ்.எஸ்.குமார்)

திருகோணமலை மாவட்டத்தில் ஆசிரியர் இடமாற்றங்களில் அரசியல் தலையீடு இருக்ககூடாது.  மாணவர்களின் கல்வியை குறிக்கோளாக கொண்டு அனைவரும் செயற்பட வேண்டும் என  கிழக்கு மாகாண சபை உறுப்பினர் அன்வர் தெரிவித்தார்.

திருகோணமலை ஊடக  இல்லத்தில் நடைபெற்ற செய்தியாளர் சந்திப்பில் கலந்து கொண்டு உரையாற்றுகையிலேயே  அவர் மேற்கண்டவாறு தெரிவித்தார்.

மற்றொரு மாகாண சபை  உறுப்பினர் பரீட் உரையாற்றுகையில்,  'பாடசாலைகள் இனம், மதம் என்பனவற்றுக்கு அப்பால் இருந்து செயற்பட வேண்டும். எந்த ஒரு பாடசாலையினதும் பெயர்கள் ஒரு இனத்தை மதத்தை குறிப்பிடுவதாக அமையக் கூடாது' என்றார்