பொலிஸாருக்கு தமிழ்மொழிக் கற்கை; திருமலையில் ஆரம்பம்

(அமதோரு அமரஜீவ)

திருகோணமலையில் அமைக்கப்பட்டுள்ள பொலிஸ் கல்லூரியில் இன்று முதன்முறையாக தமிழ்மொழிக் கற்கைநெறி ஆரம்பிக்கப்பட்டது.

பொலிஸ் அத்தியட்சகர் பந்துல விஜேவர்தனவினால் ஆரம்பித்து வைக்கப்பட்ட இந்த கற்கைநெறியினை மேற்கொள்வதற்காக திருகோணமலை, கந்தளாய், கம்பளை, நுவரெலியா பிரதேசங்களில் கடமையாற்றும் பொலிஸ் விசேட அதிரடிப்படையின் அமைச்சுப் பாதுகாப்பு பிரிவைச் சேர்ந்த 94பேர் தெரிவாகியுள்ளனர்.

மொழிப் பிரச்சினையைத் தீர்த்தல், தமிழ் மக்கள் பெருமளவில் வாழும் பிரதேசங்களில் கடமைகளில் ஈடுபடுதல் உள்ளிட்ட விடயங்களைக் கருத்திற் கொண்டே இந்த தமிழ்மொழிக் கற்கைநெறி ஆரம்பிக்கப்பட்டதாக பொலிஸ் அத்தியட்சகர் பந்துல விஜேவர்தன தெரிவித்தார்.