பால் உற்பத்தி பொருட்களை சந்தைப்படுத்துவதற்காக வாகனங்கள் கையளிப்பு

(எம்.பரீட்)
கிழக்கு மாகாண கால்நடை அபிவிருத்தி திணைக்களத்தின் ஊடாக ஜப்பான் கீயிஸ்டி நிறுவனம் மூதூர் திரிசீடி தனியார் நிறுவனத்திற்கு பால் உற்பத்தி பொருட்களை சந்தைப்படுத்துவதற்கு உதவும் முகமாக 2 வாகனங்களை இன்று திங்கட்கிழமை
கையளித்தது.

கிழக்கு மாகாண கால்நடை அபிவிருத்தி திணைக்களத்தின் பணிப்பாளர் டொக்டர் ஈ.கே.தவராஜன் இதனை திரிசீடி அமைப்பின் தலைவர் டொக்டர் கே.எம்.சாஹீரிடம் கையளித்தார்.

இந்நிகழ்வில் கால்நடை அபிவிருத்தி திணைக்களத்தின் சார்பில் டொக்டர் ஆர்.அஹமட் சாஹீர் மற்றும் கால்நடை அபிவிருத்தி டொக்டர் ஏ.நிசாம்தீன் ஆகியோர்களுடன்  திரிசீடி நிறுவனத்தின் செயலாளர் ஏ.டபிள்.யூ.புஹாரி, மற்றும் பொருளாளர் எம்.முனிஸ் ஆகியோரும் கலந்துகொண்டனர்.