மூதூர் தள வைத்தியசாலையின் இரத்த வங்கி திறப்பு

(முறாசில்)

மூதூர் தள வைத்தியசாலையில் புதிதாக அமைக்கப்பட்ட இரத்த வங்கி இன்று ஞாயிற்றுக்கிழமை திறந்துவைக்கப்பட்டது.

வைத்திய அத்தியட்சகர் டாக்டர் வீ.பிரேம் ஆனந் தலைமையில் நடைபெற்ற இந்நிகழ்வில் திருகோணமலை மாவட்ட முன்னாள் நாடாளுமன்ற உறுப்பினர் கே.எம் தௌபீக், கிழக்கு மாகாண சபை உறுப்பினர் அபு உபைதா ராஸிக் பரீட், மூதூர் பிரதேச சபை தவிசாளர் ஏ.எம். ஹரீஸ் உள்ளிட்ட பலர் கலந்துகொண்டனர்.

வைத்திய அத்தியட்சகர் டாக்டர் வீ. பிரேம் ஆனந் முதலாவதாக இரத்த தானம் செய்தார். இதனையடுத்து பொதுமக்கள், வைத்தியசாலை ஊழியர்கள், இராணுவத்தினர் என நூற்றுக்கு அதிகமானோர் இரத்த தானம் வழங்கியமை குறிப்பிடத்தக்கது.