மூதூர் வைத்தியசாலையில் கண்சிகிச்சை முகாம்

(முறாசில்)

திருகோணமலை லயன்ஸ் கழகமும் மூதூர் தளவைத்தியசாலை அபிவிருத்திக் குழுவும் இணைந்து கண்சிகிச்சை முகாமொன்றை இன்று செவ்வாய்க்கிழமை மூதூர் தளவைத்தியசாலையில் நடத்தியது.

இம்முகாமில் பலதரப்பட்ட கண்நோய்களுக்கு சிகிச்சை வழங்கப்பட்டதோடு, கண்பார்வை குன்றியவர்களுக்கு இலவசமாக மூக்குக்கண்ணாடிகளும் பெற்றுக்கொடுக்கப்பட்டன. அத்தோடு, கண்ணில் வெண்படலாம் உள்ளவர்களுக்கு அறுவை சிகிச்சை செய்வதற்கும் வழிவகை செய்யப்பட்டுள்ளது.

மூதூர் தளவைத்தியசாலை அத்தியட்சகர் டாக்டர் வி.பிரேம் ஆனந்த் மேற்பார்வையில் டாக்டர் விஜயகுமார் தலைமையிலான வைத்திய குழுவினரின் பங்களிப்புடன் இடம்பெற்ற இச்சிகிச்சை முகாமில் மாணவர்கள் பொதுமக்களென பல நூற்றுக்கணக்கானோர் கலந்து கொண்டனர்.