நுகர்வோர் அதிகாரசபையின் விதிமுறைகளை மீறிய நால்வருக்கு தண்டம்

-நஹீம் முஹம்மட் புஹாரி

திருகோணமலை நுகர்வோர் அதிகார சபை ஊழியர்கள் மூதூர் பிரதேசத்திலுள்ள வர்த்தக நிலையங்கள் மீது மேற்கொண்ட திடீர்ச் சோதனையின்போது, நுகர்வோர் அதிகார சபையின் சட்ட விதிமுறைகளை மீறி பொருட்களை விற்பனை செய்த குற்றச்சாட்டில் கைதுசெய்யப்பட்ட 04 வர்த்தகர்களுக்கு தலா 1,500 ரூபாய் படி மூதூர் நீதிவான் நீதிமன்ற நீதவான் ஜ.றிஸ்வான இன்று செவ்வாய்க்கிழமை தண்டம் விதித்தார்.

பொருட்களின் விலைகளை காட்சிப்படுத்தாமை, காலாவதியான பொருட்களை விற்பனைக்கு வைத்திருந்தமை, அதிக விலையில்  பொருட்களை விற்பனை செய்தமை ஆகிய குற்றச்சாட்டுகளின் அடிப்படையில் இவர்கள் 04 பேரும் கைதுசெய்யப்பட்டிருந்தனர்.