வாகன விபத்தில் மூவர் பலி, 6 பேர் காயம்

(சுபுன் டயஸ்)

ஹம்பாந்தோட்டை – திஸ்ஸமஹரகம வீதியில் இன்று காலை இடம்பெற்ற வாகன விபத்தொன்றில் மூவர் பலியானதுடன் மேலும் 6 பேர் காயமடைந்துள்ளனர்.

ஹம்பாந்தோட்டையிலிருந்து திஸ்ஸமஹராம நோக்கி சென்ற வான் ஓன்று, லொறியொன்றுடன் மோதியதால் வானில் பயணம் செய்தவர்களில் 9 பேர் காயமடைந்ததாக பொலிஸ் பேச்சாளர் பிரசாந்த ஜெயக்கொடி கூறினார்.

காயமடைந்தவர்கள் ஹம்பாந்தோட்டை வைத்தியசாலையில் சிகிச்சைக்காக அனுமதிக்கப்பட்டனர். அவர்களில் மூவர் சிகிச்சை பலனின்றி உயிரிழந்துள்ளனர்.

கிரிந்த மற்றும் திஸ்ஸமஹாராம பிரதேசத்தைவர்களே உயிரிழந்தவர்களாவர்.