ஸ்தாபகர் தின நிகழ்வு…

அகில இலங்கை முஸ்லிம் லீக் வாலிப சம்மேளனத்தின் ஸ்தாபகர் தின நிகழ்வு கொழும்பு 07 இல் அமைந்துள்ள ஜே. ஆர். ஜயவர்தன நிலையத்தில் செவ்வாய்க்கிழமை (20) பிற்பகல் இடம்பெற்றது.

அகில இலங்கை முஸ்லிம் லீக் வாலிப முன்னணிகள் சம்மேளனத்தின் தலைவர் ஷாம் நவாஸ் தலைமையில் நடந்த இந்நிகழ்வின் இலங்கை பாராளுமன்றத்தின் முன்னைய நாள் சபாநாயகர் தேசமான்ய கரு ஜயசூரிய   பிரதம அதிதியாக கலந்து கொண்டார்.

ஜெனீவாவுக்கான இலங்கையின் முன்னாள் வதிவிடப் பிரதிநிதியான தயான் ஜயதிலக “Unveiling Justice: How the Palestine Context Highlights Global Challenges for  Institutions and Smaller Nations’ “ எனும் தொனிப்பொருளில் இந்நிகழ்வின் சிறப்புரையை நிகழ்த்தினார்.

முன்னாள் சபாநாயகர் மர்ஹூம் எம்.ஏ.பாக்கீர் மாக்கார்   மீதான அனுதாப பிரேரணைகளின் தொகுப்பு இதன்போது நூலாக வெளியீட்டு வைக்கப்பட்டது.

வெளிநாட்டு இராஜதந்திரிகள், பாராளுமன்ற உறுப்பினர்கள், முன்னாள்  பாராளுமன்ற உறுப்பினர்கள், சிவில் சமூகத் தலைவர்கள், புத்திஜீவிகள், கல்வியலாளர்கள்,என பலரும் இந்நிகழ்வில் கலந்து கொண்டனர்.

ஸ்தாபகர்களின் மறுமை ஈடேற்றத்துக்காக இதன்போது துஆப் பிரார்த்தனையும் இடம்பெற்றது.