இந்தியா, இங்கிலாந்து 2ஆம் டெஸ்ட் இன்று ஆரம்பம்

இந்தியா, இங்கிலாந்து அணிகளுக்கிடையிலான 5 போட்டிகள் அடங்கிய டெஸ்ட் தொடரின் இரண்டாவது போட்டி இன்று ஆரம்பிக்கவுள்ளது. இலங்கை நேரப்படி பிற்பகல் 3.30 இற்கு இங்கிலாந்து லோர்ட்ஸ் மைதானத்தில் இந்தப் போட்டி ஆரம்பிக்கவுள்ளது. 

 

கடந்த போட்டி சமநிலையில் ஓட்டங்கள் குவிக்கபட்ட போட்டியாக அமைந்தது. கிரிக்கெட்டின் தாயகம் என வர்ணிக்கப்படும் லோர்ட்ஸ் மைதானத்தில் நடைபெறும் போட்டிகள் பொதுவாக முடிவுகளை வழங்குவது வழமை. எனவே இந்தப் போட்டியில் ஓர் அணி வெற்றி பெறும் என்ற எதிர்பார்ப்புக்கள் உள்ளன. இரு அணிகளும் கடந்த போட்டியில் விளையாடிய வீரர்களுடன் விளையாடும் என எதிர்பார்க்கப்படுகின்றது. இந்தியா அணி அஷ்வினை, ஜடேஜாவிற்கு பதிலாக சேர்த்துக் கொள்ளும் வாய்ப்புகள் இருப்பதாகவும் எதிர்பார்க்கபடுகின்றது. 

 

இந்தப் போட்டி ஆரம்பிக்கும் நிலையில் அன்டர்சன், ஜடேஜா மோதல் ஒன்று உருவாகி இருப்பது, அணிகளுக்கிடையில் நல்லுறவை பாதித்து இருப்பது, இந்தப் போட்டியில் மேலும் விறுவிறுப்புக்களை ஏற்படுத்தும் என எதிர்பார்ககப்படுகின்றது.