134 ஓட்டங்கள் வித்தியாசத்தில் அவுஸ்திரேலியா வெற்றி

அவுஸ்திரேலியா - இலங்கை கிரிக்கெட் அணிகளுக்கு இடையிலான 3 போட்டிகள் கொண்ட 20 ஓவர் தொடரின் முதலாவது போட்டி அடிலெய்டு நகரில் இன்று (27) காலை தொடங்கியது.

நாணய சுழற்சியில் வென்ற இலங்கை அணி பந்து வீசுவது என முடிவு செய்தது.  

20 ஓவர்கள் முடிவில் ஆஸ்திரேலிய அணி 2 விக்கெட்டுகள் இழந்து 233 ஓட்டங்கள் எடுத்தது.  இதனால் இலங்கைக்கு 234 ஓட்டங்கள் வெற்றி இலக்காக நிர்ணயிக்கப்பட்டது.

இலங்கை அணியில் ஆரம்பத்தில் இருந்து ஓட்டங்கள் சேர்க்க வீரர்கள் தவறி விட்டனர்.  20 ஓவர்கள் முடிவில் அந்த அணி 9 விக்கெட்டுகளை இழந்து 99 ஓட்டங்கள் எடுத்தது.  

இதனால் இலங்கைக்கு எதிரான முதல் டி20 போட்டியில் ஆஸ்திரேலியா 134 ஓட்டங்கள் வித்தியாசத்தில் வெற்றி பெற்றுள்ளது.

அடுத்த போட்டி எதிர்வரும் புதன்கிழமை பிரிஸ்பேன் நகரில் நடக்கிறது.