பாகிஸ்தானுக்கு ஹட்ரிக் வெற்றி

பாகிஸ்தான் - நியூசிலாந்து அணிகளுக்கிடையில் ஐக்கிய அரபு ராஜ்சியத்தில் நடைபெற்ற முதலாவது டெஸ்ட் போட்டியில் பாகிஸ்தான் அணி 262 ஓட்டங்களினால் வெற்றி ஈட்டி, 3 போட்டிகள் அடங்கிய தொடரில் 3 இற்கு 0 என்ற ரீதியில் முன்னிலை பெற்றுள்ளது. ஐந்தாம் நாளான இன்று வெற்றிக்கு 2 விக்கெட்கள் தேவை என்ற நிலையில் போட்டி ஆரம்பித்தது. 57 மேலதிக ஓட்டங்களை பெற்று நியூசிலாந்து அணி சகல விக்கெட்களையும் இழந்தது. 

 

80 ஓட்டங்கள் என்ற வெற்றி இலக்குடன் துடுப்பாடிய நியூசிலாந்து அணி, இரண்டாம் இன்னிங்சில் சகல  விக்கெட்களையும் இழந்து 231 ஓட்டங்களைப் பெற்றது. ஐஸ் சோதி 63 ஓட்டங்களையும், பிரன்டன் மக்கலம் 39 ஓட்டங்களையும், மார்க் க்ரேக்,28 ஓட்டங்களையும் பெற்றனர். யசீர் ஷா 3 விக்கெட்களையும், ரஹாத் அலி, சுல்பிகர் பாபர், இம்ரான் கான் ஆகியோர் தலா 2 விக்கெட்களைக் கைப்பற்றினர். 

 

நியூசிலாந்து அணி தமது முதல் இன்னிங்சில் 262 ஓட்டங்களைப் பெற்றது. இதில் ரொம் லதாம் 103 ஓட்டங்களையும், கூரே அன்டர்சன் 48 ஓட்டங்களையும் பெற்றனர். ரஹாத் அலி 4 விக்கெட்களையும், சுல்பிகார் பாபர் 3 விக்கெட்களையும் கைப்பற்றினர். பாகிஸ்தான் அணி இரண்டாம் இன்னிங்சில் 2 விக்கெட்களை இழந்து 175 ஓட்டங்களைப் பெற்றது. இதில் மொஹமட் ஹபீஸ் ஆட்டமிழக்காமல் 101 ஓட்டங்களையும், யூனுஸ் கான் 28 ஓட்டங்களையும் பெற்றனர். ஐஸ் சோதி 2 விக்கெட்களை கைப்பற்றினார். 

 

முன்னதாக பாகிஸ்தான் அணி தமது முதல் இன்னிங்சில் 3 விக்கெட் இழப்பிற்கு 566 ஓட்டங்களை பெற்று தமது துடுப்பாட்டத்தை இடைநிறுத்தியது. இதில் அஹெமட் ஷெஷாட் 176 ஓட்டங்களையும், யூனுஸ் கான் ஆட்டமிழக்காமல் 100 ஓட்டங்களை பெற்றுக் கொண்டார். பந்துவீச்சில் கூரே அன்டர்சன் 2 விக்கெட்களைக் கைப்பற்றினர்.

 

இந்த வெற்றியின் மூலம் பாகிஸ்தான் அணி தொடர்ந்து மூன்றாவது டெஸ்ட் போட்டியில் வெற்றி பெற்றுள்ளமை குறிப்பிடத்தக்கது.