அவுஸ்திரேலிய குரான் பிறீ: வென்ற வெர்ஸ்டப்பன்

அவுஸ்திரேலியாவின் மெல்பேணில் நேற்று நடைபெற்ற அவுஸ்திரேலிய குரான் பிறீயில், பந்தயத்தை முதலாமிடத்திலிருந்து ஆரம்பித்த றெட் புல் அணியின் மக்ஸ் வெர்ஸ்டப்பன் வென்றார்.

இந்நிலையில், பந்தயத்தை மூன்றாமிடத்திலிருந்து ஆரம்பித்த மெர்சிடீஸ் அணியின் லூயிஸ் ஹமில்டன் இரண்டாமிடத்தைப் பெற்றதோடு, அஸ்தன் மார்டின் அணியின் பெர்ணாண்டோ அலோன்ஸோ மூன்றாமிடத்தைப் பெற்றார்.

அந்தவகையில் இவ்வாண்டுக்கான போர்மியுலா வண் சம்பியன்ஷிப்புக்கான போட்டியில் 69 புள்ளிகளுடன் முதலாமிடத்தில் நெதர்லாந்தின் வெர்ஸ்டப்பன் உள்ளதுடன், அவரின் சக றெட் புல் அணி ஓட்டுநரான சேர்ஜியோ பெரேஸ் 54 புள்ளிகளுடன் இரண்டாமிடத்திலும், ஸ்பெய்னின் அலோன்ஸோ 45 புள்ளிகளுடன் மூன்றாமிடத்திலும் காணப்படுகின்றனர்.