இந்தியாவுக்கெதிரான 2ஆவது டெஸ்டில் கமின்ஸுக்குப் பதிலாக கீமோ போல்

இந்தியாவுக்கெதிரான இரண்டாவது டெஸ்டுக்கான மேற்கிந்தியத் தீவுகள் குழாமில் இடம்பெற்றுள்ள கணுக்கால் காயத்திலிருந்து குணமடைந்த மேற்கிந்தியத் தீவுகளின் வேகப்பந்துவீச்சாளர் கீமோ போல், தன்னை முதலாவது டெஸ்டுக்கான குழாமில் பிரதியிட்டிருந்த வேகப்பந்துவீச்சாளர் மிக்கேல் கமின்ஸை பிரதியிட்டுள்ளார்.

குறித்த மாற்றமொன்று மட்டுமே இந்தியாவிடம் 318 ஓட்டங்களால் முதலாவது போட்டியில் தோல்வியடைந்த மேற்கிந்தியத் தீவுகள் குழாமில் மேற்கொள்ளப்பட்டதுடன், கணுக்கால் காயத்திலிருந்து விக்கெட் காப்பாளர் ஷேன் டெளரிச் பார்படோஸில் குணமடைந்து வருகின்ற நிலையில், மேலதிக விக்கெட் காப்பாளர் ஜஹ்மர் ஹமில்டன் குழாமில் இருக்கின்றபோதும் முதலாவது டெஸ்டைப் போன்று ஷே ஹோப்பே விக்கெட் காப்பில் ஈடுபடுவார் எனத் தெரிகிறது.

குழாம்: ஜேஸன் ஹோல்டர் (அணித்தலைவர்), கிரேய்க் பிறத்வெய்ட், டரன் பிராவோ, ஷமரா ப்றூக்ஸ், ஜோன் கம்பெல், றொஸ்டன் சேஸ்ம் ரஹீம் கொர்ன்வெல், ஜஹ்மர் ஹமில்டன் (விக்கெட் காப்பாளர்), ஷே ஹோப் (விக்கெட் காப்பாளர்), ஷிம்ரோன் ஹெட்மயர், ஷனொன் கப்ரியல், கீமோ போல், கேமார் றோச்.