இந்தியாவை வெளியேற்றியது பங்களாதேஷ்

மலேஷியாவில் இடம்பெற்றுவரும் 19 வயதுக்குட்பட்டோருக்கான ஆசியக் கிண்ணத் தொடரில், இந்தியாவை வென்ற பங்களாதேஷ், தொடரிலிருந்து இந்தியாவை வெளியேறச் செய்துள்ளது.

மழை காரணமாக 32 ஓவர்களாகக் குறைக்கப்பட்ட போட்டியில், முதலில் துடுப்பெடுத்தாடிய இந்தியா, 32 ஓவர்களில், 8 விக்கெட்டுகளை இழந்து 187 ஓட்டங்களைப் பெற்றது. துடுப்பாட்டத்தில், சல்மான் கான் ஆட்டமிழக்காமல் 39 (38), அனுஜ் றாவட் 34 (53) ஓட்டங்களைப் பெற்றனர். பந்துவீச்சில், றொபியுல் ஹக் 3, நயீம் ஹஸன், ஆதிப் ஹொஸைன் ஆகியோர் தலா 2 விக்கெட்டுகளைக் கைப்பற்றினர்.

பதிலுக்கு, 188 ஓட்டங்களை வெற்றியிலக்காகக் கொண்டு துடுப்பெடுத்தாடிய பங்களாதேஷ், 28 ஓவர்களில் 2 விக்கெட்டுகளை இழந்த நிலையில் வெற்றியிலக்கையடைந்தது. துடுப்பாட்டத்தில், பினக் கோஷ் ஆட்டமிழக்காமல் 81 (77), தெளஹீட் ஹிரிடோய் ஆட்டமிழக்காமல் 48 (32), நைம் ஷேய்க் 38 (44) ஓட்டங்களைப் பெற்றனர். பந்துவீச்சில், வீழ்த்தப்பட்ட 2 விக்கெட்டுகளையும் மந்தீப் சிங் கைப்பற்றினார்.