இரண்டாமிடத்துக்கு முன்னேறிய ஹெட்

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்டவீரர்களுக்கான தரவரிசையில் இரண்டாமிடத்துக்கு அவுஸ்திரேலியாவின் ட்ரெவிஸ் ஹெட் முன்னேறியுள்ளார்.

இங்கிலாந்துக்கெதிரான மூன்றாவது டெஸ்டில் 116 ஓட்டங்களைப் பெற்றமையைத் தொடர்ந்தே நான்காமிடத்திலிருந்து இரண்டு இடங்கள் முன்னேறி இரண்டாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1.கேன் வில்லியம்ஸன், 2. ட்ரெவிஸ் ஹெட், 3. பாபர் அஸாம், 4. ஸ்டீவ் ஸ்மித், 5. மர்னுஸ் லபுஷைன், 6. ஜோ றூட், 7. உஸ்மான் கவாஜா, 8. டரைல் மிற்செல், 9. திமுத் கருணாரத்ன, 10. றிஷப் பண்ட்.

இதேவேளை குறித்த டெஸ்டில் 5 விக்கெட்டுகளைக் கைப்பற்றிய இங்கிலாந்தின் ஸ்டூவர்ட் ப்ரோட், 10ஆம் இடத்திலிருந்து நான்கு இடங்கள் முன்னேறி ஆறாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1.இரவிச்சந்திரன் அஷ்வின், 2. பற் கமின்ஸ், 3. ககிஸோ றபாடா, 4. ஜேம்ஸ் அன்டர்சன், 5. ஷகீன் ஷா அஃப்ரிடி, 6. ஸ்டூவர்ட் ப்ரோட், 7. ஒலி றொபின்ஸன், 8. நேதன் லையன், 9. ஜஸ்பிரிட் பும்ரா, 10. இரவீந்திர ஜடேஜா.

முதல் ஐந்து சகலதுறைவீரர்களின் தரவரிசை பின்வருமாறு,

1.இரவீந்திர ஜடேஜா, 2. இரவிச்சந்திரன் அஷ்வின், 3. ஷகிப் அல் ஹஸன், 4. பென் ஸ்டோக்ஸ், 5. அக்ஸர் பட்டேல்.