இறுதிப் போட்டியில் ஒஸாகா, பிராடி

அவுஸ்திரேலிராவின் மெல்பேணில் நடைபெற்றுவரும் அவுஸ்திரேலிய பகிரங்க டென்னிஸ் தொடரின் இறுதிப் போட்டிக்கு, உலகின் மூன்றாம்நிலை வீராங்கனையான நயோமி ஒஸாகா, ஐக்கிய அமெரிக்காவின் ஜெனிஃபர் பிராடி ஆகியோர் தகுதிபெற்றுள்ளனர்.

இன்று நடைபெற்ற தனது அரையிறுதிப் போட்டியில், ஐ. அமெரிக்காவின் செரீனா வில்லியம்ஸை 6-3, 6-4 என்ற நேர் செட்களில் வென்று இறுதிப் போட்டிக்கு ஜப்பானின் ஒஸாகா தகுதிபெற்றார்.

இதேவேளை, தனது அரையிறுதிப் போட்டியில் செக் குடியரசின் கரோலினா முஷோவாவை எதிர்கொண்ட பிராடி, 6-3, 3-6, 6-4 என்ற செட் கணக்கில் வென்று இறுதிப் போட்டிக்குத் தகுதிபெற்றார்.