சகாக்குப் பதில் கார்த்திக்

தென்னாபிரிக்க, இந்திய அணிகளுக்கிடையிலான 3 போட்டிகள் கொண்ட டெஸ்ட் தொடருக்கான 3ஆவது போட்டிக்கான இந்தியக் குழாமில், விக்கெட் காப்பாளரான டினேஷ் கார்த்திக் சேர்க்கப்பட்டுள்ளார். வழக்கமான விக்கெட் காப்பாளரான ரிதிமான் சகா, காயமடைந்திருப்பதன் காரணமாகவே, கார்த்திக் சேர்க்கப்பட்டுள்ளார்.

தற்போது இடம்பெற்றுவரும் 2ஆவது போட்டியிலும், சகா பங்குபற்றியிருக்காத நிலையில், அவருக்குப் பதிலாக பார்த்திவ் பட்டேல் விளையாடி வருகிறார். ஆனால், பல பிடிகளை, பார்த்திவ் தவறவிட்டுள்ள நிலையிலேயே, கார்த்திக் உள்ளடக்கம் பற்றிய அறிவிப்பு வெளியாகியுள்ளது.