சமநிலையில் மியூனிச் – மைன்ஸ் போட்டி

ஜேர்மனிய புண்டெஸ்லிகா தொடரில், தமது மைதானத்தில் ஞாயிற்றுக்கிழமை (14) நடைபெற்ற மைன்ஸுடனான போட்டியை 2-2 என்ற கோல் கணக்கில் நடப்புச் சம்பியன்களான பயேர்ண் மியூனிச் சமப்படுத்தியது.

மியூனிச் சார்பாக லெனார்ட் கார்ள், ஹரி கேன் ஆகியோர் தலா ஒவ்வொரு கோலைப் பெற்றனர். மைன்ஸ் சார்பாக கஸ்பர் பொடுல்ஸ்கி, லீ ஜயே-சங் ஆகியோர் தலா ஒவ்வொரு கோலைப் பெற்றனர்.

இதேவேளை பிறைபேர்க்கின் மைதானத்தில் நடைபெற்ற அவ்வணிக்கும் பொரூசியா டொட்டமுண்டுக்குமிடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது. டொட்டமுண்ட் சார்பாகப் பெறப்பட்ட கோலை றமி பென்செபைனி பெற்றதோடு, பிறைபேர்க் சார்பாகப் பெறப்பட்ட கோலை லூகாஸ் ஹொலர் பெற்றிருந்தார்.