தேசங்களுக்கான லீக்: போலந்தை வென்றது இத்தாலி

ஐரோப்பிய கால்பந்தாட்டச் சங்கங்களின் தேசங்களுக்கான லீக் தொடரில், இத்தாலியில் இன்று அதிகாலை நடைபெற்ற அவ்வணிக்கும், போலந்துக்குமிடையிலான குழு ஏ போட்டியொன்றில் 2-0 என்ற கோல் கணக்கில் இத்தாலி வென்றது. இத்தாலி சார்பாக, ஜோர்ஜினியோ, டொமெனிக்கோ பெரார்டி ஆகியோர் தலா ஒவ்வொரு கோலைப் பெற்றனர்.

இதேவேளை, பெல்ஜியத்தில் நடைபெற்ற அவ்வணிக்கும் இங்கிலாந்துக்குமிடையிலான குழு பி போட்டியொன்றில் 2-0 என்ற கோல் கணக்கில் பெல்ஜியம் வென்றது. பெல்ஜியம் சார்பாக, யூரி டெலிமான்ஸ், ட்ரைஸ் மேர்ட்டன்ஸ் ஆகியோர் தலா ஒவ்வொரு கோலைப் பெற்றனர்.