நாப்போலியை வென்றது லேஸியோ

இத்தாலியக் கால்பந்தாட்டக் கழகங்களுக்கு இடையிலான சீரி ஏ தொடரில், லேஸியோவின் மைதானத்தில் இன்று அதிகாலை நடைபெற்ற அவ்வணிக்கும், நாப்போலிக்குமிடையிலான போட்டியில் 2-0 என்ற கோல் கணக்கில் லேஸியோ வென்றது.

லேஸியோ சார்பாக, சிரோ இம்மொபைலி, லூயிஸ் அல்பேர்ட்டோ ஆகியோர் தலா ஒவ்வொரு கோலைப் பெற்றனர்.

இதேவேளை, அத்லாண்டாவின் மைதானத்தில் நேற்றிரவு நடைபெற்ற அவ்வணிக்கும், றோமாவுக்குமிடையிலான போட்டியில் 4-1 என்ற கோல் கணக்கில் அத்லாண்டா வென்றது. அத்லாண்டா சார்பாக, டுவான் ஸப்பட்டா, றொபின் கொஸென்ஸ், லூயிஸ் முரியெல், ஜோசிப் இலிசிச் ஆகியோர் தலா ஒவ்வொரு கோலைப் பெற்றனர். றோமா சார்பாகப் பெறப்பட்ட கோலை எடின் டெக்கோ பெற்றார்.