பாகிஸ்தானை வீழ்த்தியது இங்கிலாந்து

தமது இன்னிங்ஸின் பெரும்பாலான பகுதிகளில் இலகுவாக ஓட்டங்களைக் குவித்த இங்கிலாந்து அணி, இறுதி ஓவர்களில், வகாப் ரியாசின் வேகமான, துல்லியமான பந்துவீச்சால் ஓட்டங்களை வேகமாக குவிக்க திணறியிருந்தது.

துடுப்பாட்டத்தில் இங்கிலாந்து அணி சார்பாக அலெக்ஸ் ஹேல்ஸ் 108 ஓட்டங்களைப் பெற்று, ஒருநாள் சர்வதேசப் போட்டிகளில்ந தனது கன்னிச் சதத்தைப் பெற்றார். தவிர, ஜோ ரூட் 63, ஜேசன் ரோய் 54 ஓட்டங்களைப் பெற்றனர்.

பந்துவீச்சில் பாகிஸ்தான் அணி சார்பாக வகாப் ரியாஸ் 3 விக்கெட்டுக்களையும் மொஹமட் இர்பான், சர்வதேசப் போட்டிகளில் அறிமுகத்தை மேற்கொண்ட இஃப்திகார் அகமட் ஆகியோர் தலா ஒவ்வொரு விக்கெட்டினை கைப்பற்றினர்.

பதிலுக்குத் துடுப்பெடுத்தாடிய பாகிஸ்தான் அணி, 45.5 ஓவர்களில் சகல விக்கெட்களையும் இழந்து 188 ஓட்டங்களை மட்டுமே பெற்று 95 ஓட்டங்களால் தோல்வியடைந்தது. துடுப்பாட்டத்தில் அவ்வணி சார்பாக குறிப்பிடும்படியாக சஃப்ராஸ் அகமட் மாத்திரம் 64 ஓட்டங்களைப் பெற்றார்.

பந்துவீச்சில் இங்கிலாந்து அணி சார்பாக கிறிஸ் வோக்ஸ் 4 விக்கெட்டுக்களையும் டேவிட் வில்லி 3 விக்கெட்டுக்களையும் அதில் ரஷீத், ரீஸ் டொப்லி, மொயின் அலி ஆகியோர் தலா ஒவ்வொரு விக்கெட்டினை கைப்பற்றினர்.

போட்டியின் நாயகனாக அலெக்ஸ் ஹேல்ஸ் தெரிவானார்.