பார்சிலோனா, வலென்சியா போட்டி சமநிலை

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், வலென்சியா அணியின் மைதானத்தில் இலங்கை நேரப்படி இன்று அதிகாலை இடம்பெற்ற அவ்வணிக்கும் நடப்பு லா லிகா சம்பியன்களான பார்சிலோனாவுக்குமிடையிலான போட்டி 1-1 என்ற கோல் கணக்கில் சமநிலையில் முடிவடைந்தது. பார்சிலோனா சார்பாகப் பெறப்பட்ட கோலை லியனல் மெஸ்ஸி பெற்றதோடு, வலென்சியா சார்பாகப் பெறப்பட்ட கோலை எஸெக்கியல் கரை பெற்றார்.

இந்நிலையில், தமது மைதானத்தில் நேற்று இடம்பெற்ற றியல் பெட்டிஸுடனான போட்டியில் ஏஞ்சல் கொரெரேராவின் கோலோடு 1-0 என்ற கோல் கணக்கில் அத்லெட்டிகோ மட்ரிட் வென்றது.