பார்சிலோனாவிலிருந்து வெளியேறும் அணித்தலைவர்

ஸ்பானிய லா லிகா கால்பந்தாட்டக் கழகமான பார்சிலோனாவின் அணித்தலைவரான சேர்ஜியோ புஷ்கட்ஸ், கழகத்துடனான ஒப்பந்தமானது நடப்புப் பருவகாலத்துடன் முடிவடையும்போது கழகத்தை விட்டு வெளியேறுவதாக அக்கழகம் நேற்று அறிவித்துள்ளது.

கடந்த 18 ஆண்டுகளாக பார்சிலோனாவிலிருக்கும் 34 வயதான புஷ்கட்ஸ், கழகத்துக்காக 719 போட்டிகளில் விளையாடி 31 கிண்ணங்களை வென்றுள்ளார். தவிர 18 கோல்களையும் பார்சிலோனாவுக்காக பெற்றுள்ள மத்தியகளவீரரான புஷ்கட்ஸ், 40 கோல்களைப் பெறுவதற்கு உதவி புரிந்துள்ளார்.