மூன்றாமிடத்துக்கு முன்னேறிய அஷ்வின்

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களின் தரவரிசையில் மூன்றாமிடத்துக்கு, இந்தியாவின் சுழற்பந்துவீச்சாளர் இரவிச்சந்திரன் அஷ்வின் முன்னேறியுள்ளார்.

இங்கிலாந்துக்கெதிரான மூன்றாவது டெஸ்டில் ஏழு விக்கெட்டுகளைக் கைப்பற்றியதைத் தொடர்ந்தே, ஏழாமிடத்திலிருந்து நான்கு இடங்கள் முன்னேறி மூன்றாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. பற் கமின்ஸ், 2. நீல் வக்னர், 3. இரவிச்சந்திரன் அஷ்வின், 4. ஜொஷ் ஹேசில்வூட், 5. டிம் ச்செளதி, 6. ஜேம்ஸ் அன்டர்சன், 7. ஸ்டூவர்ட் ப்ரோட், 8. ககிஸோ றபாடா, 9. ஜஸ்பிரிட் பும்ரா, 10. மிற்செல் ஸ்டார்க்.

இதேவேள்ளை, குறித்த டெஸ்டில் 91 ஓட்டங்களைப் பெற்ற இந்தியாவின் ரோஹித் ஷர்மா, 14ஆம் இடத்திலிருந்து ஆறு இடங்கள் முன்னேறி எட்டாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. கேன் வில்லியம்ஸன், 2. ஸ்டீவ் ஸ்மித், 3. மர்னுஸ் லபுஷைன், 4. ஜோ றூட், 5. விராட் கோலி, 6. பாபர் அஸாம், 7. ஹென்றி நிக்கொல்ஸ், 8. ரோஹித் ஷர்மா, 9. டேவிட் வோணர், 10. செட்டேஸ்வர் புஜாரா.

முதல் ஐந்து சகலதுறைவீரர்களின் தரவரிசை பின்வருமாறு,

1. ஜேஸன் ஹோல்டர், 2. இரவீந்திர ஜடேஜா, 3. பென் ஸ்டோக்ஸ், 4. ஷகிப் அல் ஹஸன், 5. இரவிச்சந்திரன் அஷ்வின்.