மே. தீவுகளுக்கு விளையாட கெய்ல் மறுப்பு

தற்போது இடம்பெற்றுவரும் ஆப்கானிஸ்தான் பிறீமியர் லீக்கிலும் அதனைத் தொடர்ந்து இடம்பெறவுள்ள இ-10 லீக்கிலும் விளையாடவுள்ளமை காரணமாக இந்தியா, பங்களாதேஷுக்கான சுற்றுப் பயணங்களில் தன்னை தேர்வு செய்ய வேண்டாம் என மேற்கிந்தியத் தீவுகளின் முன்னாள் தலைவர் கிறிஸ் கெய்ல் தெரிவித்துள்ளார்.

இந்நிலையில், இந்தியாவுக்கெதிரான ஒருநாள், இருபதுக்கு – 20 சர்வதேசப் போட்டித் தொடர்களுக்கான மேற்கிந்தியத் தீவுகளின் குழாம்கள் அறிவிக்கப்பட்டுள்ள நிலையில், இருபதுக்கு -20 சர்வதேசப் போட்டித் தொடருக்கான குழாமில் கெரான் பொலார்ட்டும் டரன் பிராவோவும் இடம்பெற்றுள்ள நிலையில், டுவைன் பிராவோ, சுனில் நரைன் ஆகியோர் எக்குழாமிலும் இடம்பெறவில்லை.