றியோ ஒலிம்பிக் கால்பந்தாட்டம்: அரையிறுதியில் பிரேஸில், ஜேர்மனி

இடம்பெற்றுவரும் றியோ ஒலிம்பிக்கின் கால்பந்தாட்டத்தின் அரையிறுதிக்கு, பிரேஸில், ஜேர்மனி, ஹொண்டூரஸ், நைஜீரியா ஆகிய அணிகள் தகுதி பெற்றுள்ளன.

பிரேஸில், கொலம்பியா ஆகிய அணிகளுக்கிடையிலான காலிறுதிப் போட்டியில், 2-0 என்ற கோல்கணக்கில் பிரேஸில் வெற்றி பெற்றிருந்தது. இப்போட்டியின் 12ஆவது நிமிடத்தில் ‘பிறீ கிக்’மூலம் நேமர் ஒரு கோலினைப் பெற்றிருந்தார்.

ஏனைய காலிறுதிப் போட்டிகளில், போர்த்துக்கல்லை 4-0 என்ற கோல்கணக்கில் தோற்கடித்து ஜேர்மனியும், தென்கொரியாவை 1-0 என்ற கோல்கணக்கில் தோற்கடித்து ஹொண்டூரஸும், டென்மார்க்கை 2-0 என்ற கோல்கணக்கில் தோற்கடித்து நைஜீரியாவும் அரையிறுதிப் போட்டிகளுக்கு தகுதி பெற்றுள்ளன.