லிவர்பூலைத் தோற்கடித்தது சிற்றி

இங்கிலாந்து பிறீமியர் லீக்கில், நேற்று முன்தினம் (09) இடம்பெற்ற போட்டியொன்றில், லிவர்பூலை, 5-0 என்ற கோல் கணக்கில், மன்செஸ்டர் சிற்றி தோற்கடித்தது. மன்செஸ்டர் சிற்றி சார்பாக, கப்ரியல்ஸ் ஜெஸூஸ், லெரோய் சனே ஆகியோர் தலா 2 கோல்களையும் சேர்ஜியோ அக்ரோ ஒரு கோலையும் பெற்றனர்.  

இதேவேளை, நேற்று முன்தினம் இடம்பெற்ற ஏனைய போட்டிகளில், லெய்செஸ்டர் சிற்றியை, 2-1 என்ற கோல் கணக்கில், நடப்பு பிறீமியர் லீக் சம்பியன்கள் செல்சி வென்றதுடன், எவெர்ற்றனை, 3-0 என்ற கோல் கணக்கில் டொட்டென்ஹாம் ஹொட்ஸ்பர் தோற்கடித்தது. தவிர, போர்ண்மெத்தை, 3-0 என்ற கோல் கணக்கில் ஆர்சனல் தோற்கடித்தது. மன்செஸ்டர் யுனைட்டெட், ஸ்டோக் சிற்றி ஆகிய அணிகளுக்கிடையிலான போட்டியில், இரண்டு அணிகளும் தலா 2 கோல்களைப் பெற்ற நிலையில், போட்டி சமநிலையில் முடிவடைந்திருந்தது.