கசிப்புத் தயாரிப்போரை கைதுசெய்ய உத்தரவு

-பேரின்பராஜா சபேஷ்
 
மட்டக்களப்பு, கொக்கட்டிச்சோலைப் பொலிஸ் பிரிவில் கசிப்புத் தயாரிப்பில் ஈடுபடுவோரை உடனடியாகக் கைதுசெய்வதற்கான நடவடிக்கை எடுக்குமாறு மட்டக்களப்பு மாவட்ட நீதிபதி எம்.கணேசராஜா உத்தரவிட்டார்.
 
கசிப்பு வைத்திருந்த குற்றச்சாட்டின் பேரில் கைதுசெய்யப்பட்ட முதலைக்குடா பிரதேசத்தைச் சேர்ந்த ஒருவரை மட்டக்களப்பு நீதவான் நீதிமன்றத்தில் புதன்கிழமை (02) பொலிஸார்; ஆஜர்படுத்தினர்.  
 
இச்சந்தேக நபரிடம் மேற்கொண்ட விசாரணையின்போது அவர் தனது குற்றத்தை ஒப்புக்கொண்டதுடன், முதலைக்குடாப் பிரதேசத்தில் கசிப்பு விற்பனை பற்றிய தகவலையும் அவர் வழங்கினார்.

இதனை அடுத்து, நீதிபதி மேற்படி உத்தரவைப் பிறப்பித்துள்ளார்.