பாலியல் துஷ்பிரயோகக் குற்றச்சாட்டில் ஒருவர் கைது

-எம்.எஸ்.எம்.நூர்தீன், ஏ.எச்.ஏ.ஹுஸைன்

மட்டக்களப்பு, காத்தான்குடிப் பொலிஸ் பிரிவில் 10 வயதுச் சிறுமி ஒருவரை பாலியல் து|;பிரயோகத்துக்கு உட்படுத்திய குற்றச்சாட்டின் பேரில் 42 வயதுடைய குடும்பஸ்தர் ஒருவரை இன்று செவ்வாய்க்கிழமை காலை கைதுசெய்துள்ளதாக பொலிஸார் தெரிவித்தனர்.

தனது நண்பியின் வீட்டுக்கு இச்சிறுமி திங்கட்கிழமை (26) மாலை விளையாடுவதற்குச்  சென்றுள்ளார். இதன்போது, நண்பியின் தந்தை இச்சிறுமியை  அவரது வீட்டில் வைத்து பாலியல் துஷ்பிரயோகத்துக்கு உட்படுத்தியுள்ளார்.
இது தொடர்பில் பெற்றோரிடம் இச்சிறுமி தெரிவித்ததை அடுத்து, காத்தான்குடிப் பொலிஸ் நிலையத்தில் பெற்றோர் முறைப்பாடு செய்தனர்.

இது தொடர்பில் விசாரணை மேற்கொண்டு  சந்தேக நபரைக் கைதுசெய்துள்ளதாகவும் பொலிஸார் கூறினர்.  

இதேவேளை, சிகிச்சைக்காக குறித்த சிறுமி வைத்தியசாலையில் அனுமதிக்கப்பட்டுள்ளார்.