எதிரணியில் அமர்ந்த ஐ.ம.சு.கூ.வினர்

-ஏ.எச்.ஏ.ஹுஸைன்

கிழக்கு மாகாண சபை அமர்வு, நேற்று செவ்வாய்க்கிழமை (31) ஆரம்பித்தபோது, ஆட்சி அமைப்பது தொடர்பில் மேற்கொள்ளப்பட்ட ஒப்பந்தம் மீறப்பட்டுள்ளதாகக் கூறி, ஐக்கிய மக்கள் சுதந்திரக் கூட்டமைப்பின் 11 மாகாண சபை உறுப்பினர்கள், எதிர்க்கட்சி வரிசையில் அமர்ந்துகொண்டனர்.

இந்த 11 மாகாண சபை உறுப்பினர்களும், எதிர்க்கட்சி வரிசையில் அமர்ந்துகொண்டு தங்களது எதிர்ப்பை தெரிவித்து எதிர்க்கட்சி வரிசையில் இருந்தவாறு செயற்படத் தொடங்கினர்.

நேற்றைய அமர்வில் ஆளும் கட்சிகளைச் சேர்ந்த மூவரும் எதிர்க்கட்சியைச் சேர்ந்த மூவருமாக மொத்தம் ஆறு பேர் சபை அமர்வுக்கு சமூகமளிக்கவில்லை என்பது குறிப்பிடத்தக்கது.