நடமாடும் கால்நடை வைத்திய சேவை

-வடிவேல் சக்திவேல்

மட்டக்களப்பில் இயங்கி வரும் சுவீடன் கூட்டுறவு நிறுவனத்தின் அனுசரனையில் மட்டக்களப்பு கால்நடை வளர்ப்போர் கூட்டுறவுச்சங்கத்தினால் ஏற்பாடு செய்யப்பட்ட நடமாடும் கால்நடை வைத்தியசேவை, மட்டக்களப்பு கால்நடை வளர்ப்போர் கூட்டுறவுச்சங்க கட்டடத்தில் செவ்வாய்கிழமை (28) நடைபெற்றது.

கால்நடை வைத்திய அதிகாரி எம்.ஏ.காதி தலைமையில் இடம்பெற்ற இந்நிகழ்வில் கால்நடை வைத்திய திணைக்கள உத்தியோகஸ்தர்களான திருமதி ரி.பாலேந்திரா, வி.கோவேந்திரன், என்.திருக்கேதீஸ்வரன், திருமதி என்.தமிழ்வாணி, திருமதி கே.விஜிதா, என்.ஜீவரெத்தினம், ஏ.எல்.எம்.அக்மால் மற்றும் எம்.விஜேந்திரன் ஆகியோர் கலந்துகொண்டு சேவைகளை வழங்கினர்.
 
கால்நடைகளுக்கான தடுப்புமருந்துகள், வீட்டு செல்லப்பிராணிகளுக்கான நோய்த்தடுப்பு மருந்துகள் மற்றும் வைத்திய ஆலோசனைகள் வழங்கப்பட்டதோடு கால்நடை வளர்ப்பு தொடர்பாக தெளிவூட்டும் கையேடுகளும் இதன்போது  வழங்கப்பட்டன.
 
இதில் நூற்றுக்கும் அதிகமான பொதுமக்கள் கலந்துகொண்டு கால்நடை வளர்ப்பு தொடர்பான அறிவுரைகளைப் பெற்றுக்கொண்டதாக மட்டக்களப்பு கால்நடை வளர்ப்போர் கூட்டுறவுச்சங்கத்தின் பொது முகாமையாளர் எம்.என்.நவறஞ்சன் தெரிவித்தார்.