மியன்மார் அகதிகளுக்கு ஆதரவு கோரி கையெழுத்து வேட்டை

-கே.எல்.டி.யுதாஜித்

மியன்மார் அகதிகளுக்கு ஆதரவு தேடும் வகையில் கையெழுத்து வேட்டை ஒன்றை தேசத்தின் நண்பர்கள் அமைப்பு மட்டக்களப்பில் இன்று வெள்ளிக்கிழமை(29) பகல் ஆரம்பித்துள்ளது.

இந்த கையெழுத்துப் பத்திரம் ஜனாதிபதி மைத்திரிபால சிறிசேன, பிரதமர் ரணில் விக்கிரமசிங்க, ஐக்கிய நாடுகளின் இலங்கைக்கான பிரதிநிதிகள் ஆகியோருக்கு அனுப்பிவைக்கப்படவுள்ளன.

இலங்கைப் பிரஜைகள் என்ற வகையில் மியன்மாரில் நடைபெற்றுவரும் வன்முறைகளை கண்டிப்பதுடன், அம்மக்கள் படும் துயரத்தினை எண்ணி மனம் வருந்துகிறோம்.

அம்மக்களின் மரணத்தினைத் தடுத்து நிறுத்த வேண்டும். அத்துடன், ஐக்கிய நாடுகள் மனிதாபிமானத்தினைக் கருத்தில் கொண்டு அவர்களுக்கான தற்காலிக தங்குமிடத்துக்கான ஏற்பாடு செய்தாக வேண்டும் என்பன உள்ளிட்ட கோரிக்கைகள், தேசத்தின் நண்பர்கள் அமைப்பினால் முன்வைக்கப்பட்டுள்ளன.