மின்னல் தாக்கத்தில் பெண் பாதிப்பு

-எம்.எம்.அஹமட் அனாம்

மட்டக்களப்பு, கோறளைப்பற்று பிரதேச செயலாளர் பிரிவுக்குட்பட்ட கும்புறுமூலை வெம்பு கிராமத்தில்  நேற்று ஞாயிற்றுக்கிழமை (31) மாலை ஏற்பட்ட  மின்னல் தாக்கத்தில் குடும்பப் பெண்ணான ஐயாதுரை ரதி (வயது – 30)  பாதிக்கப்பட்ட நிலையில் வாழைச்சேனை ஆதார வைத்தியசாலையில் அனுமதிக்கப்பட்டுள்ளதாக வைத்தியசாலைத் தகவல்கள் தெரிவிக்கின்றன.

அத்துடன், இந்த மின்னல் தாக்கத்தினால் கனேயபிள்ளை ஐயாதுரை என்பவரது குடிசை தீப்பிடித்து எரிவடைந்துள்ளதுடன், இந்தக் குடிசை அமைந்திருந்த வளாகத்திலிருந்த ஐந்து தென்னை மரங்களும் எரிவடைந்துள்ளன.