கால்நடைகளுக்கான மருந்துகளை தும்பங்கேணியிலும் பெறலாம்

-வடிவேல் சக்திவேல்

கால்நடைகளுக்கு ஏற்படும் நோய்களுக்கு தேவையான சகலவித மருந்து வகைகளையும் தும்பங்கேணி பிரதான வீதியில் அமைந்துள்ள அமுதசுரபி பால் பதனிடும் நிலையத்தில் மொத்தமாகவும் சில்லறையாகாகவும் நியாய விலையில் பெற்றுக்கொள்ள முடியுமென்று போரதீவுப்பற்றுப் பிரதேச மட்டுப்படுத்தப்பட்ட கால்நடை அபிவிருத்திச் சங்கத் தலைவர் தெ.சிவபாதம் தெரிவித்தார்.

நேற்று திங்கட்கிழமையிலிருந்து இது நடைமுறைக்கு வந்துள்ளதாகவும் அவர் கூறினார்.

இதுவரை காலமும் கால்நடைகளுக்குரிய மருந்துகளை கல்முனை, மருதமுனை, மட்டக்களப்பு போன்ற இடங்களுக்குச் சென்றே கால்நடைப் பண்ணையாளர்கள் பெற்றுவந்தனர்.