ஆதனவரியை ஒன்லைனில் செலுத்தலாம்

காத்தான்குடி, நகர சபைக்காக ஆதனவரியை ஒன்லைன் மூலம் செலுத்துவதற்கான இணைய வசதி, இன்று (20) முதல் தடவையாக ஆரம்பித்து வைக்கப்பட்டது.

காத்தான்குடி நகர சபைத் தவிசாளர் எஸ்.எச்.அஸ்பர், பிரதித் தவிசாளர் எம்.ஐ.எம்.ஜெஸீம் ஆகியோர் இதனை ஆரம்பித்து வைத்தனர்.

இந்த இணையத்தில் ஒன்லைன் மூலம் முதன் முதலாக பிரதித் தவிசாளர் எம்.ஐ.எம்.ஜெஸீம், தமது ஆதனவரியைச் செலுத்தினார்.

தமது ஆதனவரியை, வெளியூர்களில் இருந்தும் வெளிநாட்டிலிருந்தும் காத்தான்குடி நகர சபை பிரிவில் வசிப்போர் இனிவரும் காலங்களில் ஒன்லைன் மூலம் செலுத்த முடியுமென, காத்தான்குடி நகர சபைத் தவிசாளர் இதன்பேது தெரிவித்தார்.

இந்த வைபவத்தில் காத்தான்குடி நகரசபை உறுப்பினர்கள் கலந்துகொண்டனர்.