இலவச மருத்துவ முகாம்

மட்டக்களப்பு, சிறைச்சாலையின் சிறைக்கைதிகள் நலன்புரிச் சங்கத்தின் ஏற்பாட்டில், மட்டக்களப்பு சிறைச்சாலையில், இன்று (29) அச்சிறைச்சாலையின் பிரதம அத்தியட்சகர் கே.எம்.யு.எச்.அக்பர் தலைமையில் இலவச மருத்துவ முகாமொன்று நடைபெற்றது.

இந்த மருத்துவ முகாமில், மட்டக்களப்பு சிறைச்சாலையிலுள்ள 200 கைதிகளுக்கு மருத்துவ பரிசோதனை மேற் கொள்ளப்பட்டுச் சிகிச்சையளிக்கப்பட்டது.

சங்கத்தின் தலைவர் மகப்பேற்று வைத்திய நிபுணர் டொக்டர் கே.இ.கருணாகரன், மட்டக்களப்பு சிறைச்சாலையின் பிரதம ஜெயிலர் ஏ.பிரபாகரன், சங்கத்தின் செயலாளர் வி.தரிசன் உள்ளிட்ட பலரும் கலந்துகொண்டனர்.