உப்போடையில் தையல் பயிற்சி நிலையம்

எம்.எம்.அஹமட் அனாம்.

இளைஞர், யுவதிகளின் வாழ்வாதாரத்தை உயர்த்தும் நோக்கில் கிராமிய பொருளாதார அலுவல்கள் அமைச்சினால் உப்போடையில் தையல் பயிற்சி நிலையம் ஒன்று திறந்து வைக்கப்பட்டுள்ளது.

இந்த நிகழ்வு நேற்று(31) கிராமிய பொருளாதார அலுவல்கள் பிரதியமைச்சர் எம்.எஸ்.எஸ்.அமீர் அலி கலந்து கொண்டு குறித்த தையல் பயிற்சி நிலையத்தை திறந்து வைத்தார்.

நிகழ்வில் உரையாற்றிய அமைச்சர், மாணவர்கள் தற்போது போதைப்பொருளுக்கு அடிமையாகி வருவதாகவும், அவர்களை அதிலிருந்து மீட்க வேண்டும் எனவும் குறிப்பிட்டார்.

இந்த விடயத்தில் பெற்றார் கூடுதல் கவனம் செலுத்த வேண்டும் எனவும்,சிறந்த வழிகாட்டலை அவர்களுக்கு கற்பிக்க வேண்டும் எனவும் குறிப்பிட்டார்.

கிராமிய பொருளாதார அலுவல்கள் அமைச்சின் நிதி ஒதுக்கீட்டில் தையல் பயிற்சி நெறி ஆரம்பித்து வைக்கப்பட்டதுடன், அவர்களுக்கான தையல் இயந்திரங்களும் பிரதம அதிதியால் கையளிக்கப்பட்டன.