ஏறாவூர் நகரசபையில் 13 வெற்றிடங்கள்

-ஏ.எச்.ஏ.ஹுஸைன்

மட்டக்களப்பு, ஏறாவூர் நகரசபையில் 13 ஆளணி வெற்றிடங்கள் உள்ளதாக நகரசபைச் செயலாளர் எம்.எச்.எம்.ஹமீம் இன்று ஞாயிற்றுக்கிழமை தெரிவித்தார்.

இலங்கை நிர்வாக சேவை அதிகாரி, கணக்காளர், பொதுச் சுகாதாரப் பரிசோதகர், மருத்துவமாது, நூலகர், முகாமைத்துவ உதவியாளர், இறைவரிப் பரிசோதகர், சுகாதார மேற்பார்வையாளர், திண்மக்கழிவு முகாமைத்துவக் காப்பாளர் ஆகியவற்றில் ஒவ்வொரு  வெற்றிடங்களும்; சந்தை மேற்பார்வையாளர் மற்றும் சாரதி ஆகியவற்றில் இவ்விரண்டு வெற்றிடங்களும்  உள்ளதாகவும் அவர் கூறினார்.

இந்த ஆளணி வெற்றிடங்களை நிரப்புவதற்கான வேண்டுகோள் உள்ளூராட்சி நிர்வாகத்துக்குப் பொறுப்பாகவுள்ள கிழக்கு மாகாண முதலமைச்சரிடம் முன்வைக்கப்பட்டுள்ளது. இது தொடர்பில் கவனம் செலுத்துவதாக முதலமைச்சர்  கூறியதாகவும் அவர் தெரிவித்தார்.