ஏறாவூர் நகர பிரதேச செயலக கலாசார விழா

ஏறாவூர் நகர பிரதேசச் செயலகக் கலாசார விழா, வாவிக்கரை பிரதேசக் கலாசார மண்டபத்தில், நாளை மறுநாள் (28) மாலை 3.30 மணிமுதல் இரவு வரை நடைபெறவுள்ளது என, கலாசார உத்தியோகத்தர் எஸ்.ஏ. நழீம் தெரிவித்தார்.

ஏறாவூர் பிரதேச செயலகம், ஏறாவூர் கலாசாரப் பேரவையின் ஒழுங்கமைப்பில் இடம்பெறும் இந்நிகழ்வில், வழமை போன்று பிரதேசத்தின் கலாசார பாரம்பரியங்களை உயிர்ப்பிக்கும் கலாசார பாரம்பரிய  பண்பாட்டு நிகழ்வுகளும் துறைசார்ந்த கலைஞர்கள், சமூக ஆர்வலர்களினதும் கௌரவிப்பும் இடம்பெறவுள்ளது.

இம்முறை இடம்பெறும் கலாசார விழாவில், கலைஞர்கள் கௌரவிப்பில் கலையாற்றலில் அக்கறை காட்டும் இளந் தலைமுறையினரும் உள்வாங்கப்பட்டுள்ளார்கள் எனவும் தெரிவித்தார்.