ஒட்சிசன் பிறப்பாக்கி இயந்திரங்கள் வழங்கி வைப்பு

ஏ.எச்.ஏ. ஹுஸைன்

காத்தான்குடி ஆதார வைத்தியசாலைக்கு இராஜாங்க அமைச்சர் பேராசிரியர் சன்ன ஜயசுமனவின் நிதி ஒதுக்கீட்டின் கீழ், இரண்டு மில்லியன் ரூபாய் பெறுமதியான 06 ஒட்சிசன் பிறப்பாக்கி இயந்திரங்கள் வழங்கி வைக்கும் நிகழ்வு, காத்தான்குடி ஆதார வைத்தியசாலையில் சனிக்கிழமை (05) இரவு நடைபெற்றது.

இராஜாங்க அமைச்சர் பேராசிரியர் சன்ன ஜயசுமனவின்  நிதி ஒதுக்கீட்டின் கீழ் வழங்கிவைக்கப்பட்ட குறித்த இயந்திரத்தை காத்தான்குடி பத்ரிய்யாஹ் ஜும்ஆப் பள்ளிவாசலின் நம்பிக்கைப் பொறுப்பாளர்கள் காத்தான்குடி ஆதார வைத்தியசாலையின் வைத்திய அத்தியட்சகர் எம்.எஸ்.எம்.ஜாபிரிடம் கையளித்திருந்தனர்.

இந்நிகழ்வு, வைத்திய அத்தியட்சகர் எம்.எஸ்.எம்.ஜாபிர் தலைமையில் இடம்பெற்றதுடன், பத்ரிய்யாஹ் ஜும்ஆ பள்ளிவாசல் நம்பிக்கைப் பொறுப்பாளர்கள், வைத்தியசாலையின் அபிவிருத்திக் குழு உறுப்பினர்கள், தாதி உத்தியோகத்தர்கள் என பலரும் இதன்போது கலந்துகொண்டிருந்தனர்.