காணாமல் போயிருந்த 2 1/2 வயது சிறுமி மீட்பு

எம்.எஸ்.எம்.நூர்தீன்

புதிய காத்தான்குடி, அல் அமீன் வீதியைச் சேர்;ந்த இரண்டரை வயதுச் சிறுமி வெள்ளிக்கிழமை (11) காணாமல் போயிருந்த நிலையில், அன்றைய தினமே பாலமுனை பகுதியில் வைத்து சிறுமி, பொலிஸாரினால் மீட்கப்பட்டுள்ளார்.

மேற்படி சிறுமி, காத்தான்குடியிலிருந்து மூன்று கிலோமீற்றருக்கு அப்பாலுள்ள பாலமுனை பிரசேத்தின் ஜி.எஸ்.வீதியில் வைத்தே மீட்கப்பட்டுள்ளார். இப்பகுதியில் சிறுமியொருவர் தனியாக நின்று அழுதுக்கொண்டுடிருப்பதை  அவதானித்த அப்பகுதி மக்கள், சிறுமி தொடர்பில் காத்தான்குடி பொலிஸாருக்கு அறிவித்துள்ளனர்;.

குறித்த இடத்து வந்த காத்தான்குடி பொலிஸ் நிலைய பதில் பொறுப்பதிகாரி ரி.ஜெயசீலன் தலைமையிலான பொலிஸ் குழுவினர், சிறுமியை மீட்டு பொலிஸ் நிலையத்துக்கு அழைத்துச் சென்றுள்ளனர்.

மேலும், குறித்த சிறுமியின் பெற்றோரை அழைத்து விசாரணைகளை மேற்கொண்டதையடுத்து, சிறுமியை மட்டக்களப்பு போதனா வைத்தியசாலையில் அனுமதித்துள்ளதாக காத்தான்குடி பொலிஸார் தெரிவித்தனர்.