காத்தான்குடியிலுள்ள முன்பள்ளி ஆசிரியர்களுக்கு ஊக்குவிப்புத்தொகை

-எம்.எஸ்.எம்.நூர்தீன்

மட்டக்களப்பு, காத்தான்குடிப் பிரதேசத்தில் முன்பள்ளி ஆசிரியர்கள் எதிர்நோக்கிவரும் மாதாந்த சம்பளப் பிரச்சினைக்கு இடைக்காலத் தீர்வாக ஆசிரியர்களுக்கு ஊக்குவிப்புத் தொகை வழங்குவதற்கு நல்லாட்சிக்கான தேசிய முன்னணி தீர்மானித்துள்ளது.

ந.தே.முன்னணியின் ஏற்பாட்டில் காத்தான்குடி மற்றும் அதனைச் சூழவுள்ள முன்பள்ளி ஆசிரியர்களுடனான கலந்துரையாடல்;, காத்தான்குடியிலுள்ள அதன் பிராந்தியக் காரியாலயத்தில் செவ்வாய்க்கிழமை (15) மாலை நடைபெற்றது. இதன்போதே மேற்படி தீர்மானம் எடுக்கப்பட்டதாக ந.தே.முன்னணியின் தவிசாளர் எம்.எம்.அப்துர் ரஹ்மான் தெரிவித்தார்.

எதிர்வரும் இரண்டு வாரகாலத்துக்குள்; இந்த நடவடிக்கை முன்னெடுக்கப்படும். அத்துடன், முன்பள்ளி ஆசிரியர்களின் தொழில்சார் டிப்ளோமா பாடநெறிக்கான சகல வசதிகளையும் ந.தே.மு செய்து கொடுப்பதற்கு உத்தேசித்துள்ளது.  
மேலும், கிழக்கு மாகாணத்திலுள்ள முன்பள்ளிகளில் காணப்படும் பிரச்சினைகள் தொடர்பில் உயர்மட்ட அதிகாரிகளின் கவனத்துக்குக் கொண்டுசெல்லவுள்ளதாகவும் அவர் கூறினார்.