கசிப்பு உற்பத்தி நிலையங்கள் சுற்றிவளைப்பு; 9 பேர் கைது

மட்டக்களப்பில்,  கசிப்பு உற்பத்தி நிலைலையங்களில், மதுவரித் திணைக்கள உத்தியோகத்தர்கள் மேற்கொண்ட திடீர் சுற்றிவளைப்பில், ஒன்பது பேர் கைது செய்யப்பட்டுள்ளனர்.

இச்சுற்றிவளைப்பு நடவடிக்கை, சனிக்கிழமையும் (16) நேற்று ஞாயிற்றுக்கிழமையும் (17) மேற்கொள்ளப்பட்டதாக, மாவட்ட மதுவரித் திணைக்களப் பொறுப்பதிகாரி ரி.தயாலேஸ்வரகுமார் தெரிவித்தார்.

இதன்போது, வாகரை, பட்டிப்பளை ஆகிய பிரதேச செயலகப்பிரிவுகளில், 25  லீற்றர் கோடா, 10 லீற்றர் கசிப்பு, 6.5 லீற்றர் கள்ளு, 0.6 லீற்றர் பியர் ஆகியன கைப்பற்றப்பட்டுள்ளன எனவும் மாவட்ட மதுவரித் திணைக்களப் பொறுப்பதிகாரி தெரிவித்தார்.