காத்தான்குடியில் கத்திமுனையில் கொள்ளை

காத்தான்குடி பொலிஸ் பிரிவுக்குட்பட்ட புதிய காத்தான்குடி-06, நூரணியா மையவாடி வீதியிலுள்ள வீடொன்றில், இன்று (23) அதிகாலை 4 மணியளவில் கொள்ளைச் சம்பவமொன்று இடம்பெற்றுள்ளதாக, காத்தான்குடி பொலிஸார் தெரிவித்தனர்.

வீட்டின் கூரையைப் பிரித்து நுழைந்த முகமூடி அணிந்திருந்த நான்கு கொள்ளையர்களால், குழந்தையுடன் தனியாக இருந்த தனது மனைவியிடம், கத்திமுனையில் சுமார் இரண்டு இலட்சம் ரூபாய் பெறுமதியான தங்க நகைகளைக் கொள்ளையிட்டதோடு, மனைவி மற்றும் குழந்தை மீதும் தாக்குதல் நடத்தியுள்ளனரென, குறித்த வீட்டு குடும்பத் தலைவர், பொலிஸில் முறையிட்டுள்ளார். 

இச்சம்பவம் தொடர்பாக ஸ்தலத்துக்கு விரைந்த காத்தான்குடி பொலிஸார், மேலதிக விசாரணைகளை மேற்கொண்டுள்ளனர்.