‘கிழக்குக்கு அதிகாரம்’

“கிழக்கு மாகாண சபைக்கு காணி அதிகாரம், பொலிஸ் அதிகாரம் வழங்கப்பட இருக்கின்றது” என, கிழக்கு மாகாண முதலமைச்சர் ஹாபிஸ் நசீர் அஹமட் தெரிவித்தார்.

ஸ்ரீ லங்கா முஸ்லிம் காங்கிரஸின் கல்குடாத் தொகுதி அமைப்பாளரும் கணக்காளருமான எச்.எம்.எம்.றியாழ் தலைமையில் ஓட்டமாவடி எம்.பி.சி.எஸ். வீதியில் ஞாயிற்றுக்கிழமை இரவு நடைபெற்ற அபிவிருத்தியை நோக்கிய மாபெரும் பொதுக் கூட்டத்தில் கலந்துகொண்டு உரையாற்றும் போதே, அவர் இவ்வாறு தெரிவித்தார்.

அங்கு அவர் மேலும் தெரிவிக்கையில், “மாகாண சபைக்கு அதிகாரங்கள், எழுத்திலே வழங்கப்பட்டிருந்தது. 13ஆவது அரசியல் திருத்தத்திலே 95 சதவீத அதிகாரம் கல்விக்கும் சுகாதாரத்துக்கும், 99 சதவீதத்துக்கு மேல் உள்ளூராட்சி அதிகாரம் மாகாண சபைக்கு உள்ளது” என்றார்.