கூட்டுறவை அபிவிருத்தி செய்ய துரித நடவடிக்கை

கிழக்கு மாகாணத்தில் கூட்டுறவை அபிவிருத்தி செய்ய துரித நடவடிக்கைகள் மேற் கொள்ளப்பட்டு வருகின்றன.

அந்த வகையில், மட்டக்களப்பு மாவட்டத்தில் கூட்டுறவு அபிவிருத்தி தொடர்பான கலந்துரையாடலொன்று, மட்டக்களப்பு மாவட்டக் கூட்டுறவு அபிவிருத்தி உதவி ஆணையாளர் அலுவலக மண்டபத்தில் இன்று (19)  நடைபெற்றது.

இதன்போது, ஐந்தாண்டு அபிவிருத்தி வேலைத்திட்டங்களைத் தயாரித்தல், கூட்டுறவு அபிவிருத்தி வேலைத்திட்டத்தின் முன்னேற்றம், கூட்டுறவு நிதி திரட்டுதல், சர்வதேச கூட்டுறவுத் தினம், ஏனைய கூட்டுறவுச் சங்கங்களின் விடயங்கள் தொடர்பில் கலந்துரையாடப்பட்டன.

கிழக்கு மாகாண கூட்டுறவு அபிவிருத்தித் திணைக்களத்தால் கூட்டுறவு அபிவிருத்தியை இலக்காகக் கொண்டு, கிழக்கு மாகாண கூட்டுறவு அபிவிருத்தி ஆணையாளரும் கூட்டுறவுச் சங்கங்களின் பதிவாளருமான எம்.சி.எம்.சரீப் தலைமையில் நடைபெற்ற இக் கலந்துரையாடலில், மட்டக்களப்பு மாவட்ட கூட்டுறவு அபிவிருத்தி உதவி ஆணையாளர் எல்.வி.தங்கவேல், கூட்டுறவு அபிவிருத்தி உத்தியோகத்தர்கள், அதிகாரிகள் எனப் பலரும் கலந்துகொண்டனர்.