டெங்கொழிப்பு முன்னெடுப்பு

வ.சக்தி

மட்டக்களப்பு - களுவாஞ்சிகுடி பொதுச் சுகாதார பிரதேசத்துக்குட்பட்ட களுவாஞ்சிகுடி கிராமத்தில் டெங்கு கட்டுப்பாட்டு பரிசோதனை இன்று (19) முன்னெடுக்கப்பட்டுள்ளதாக, அப்பகுதி பொதுச் சுகாதர பரிசோதகர் கே.இளங்கோவன் தெரிவித்தார்.

களுவாஞ்சிகுடி பகுதியில் டெங்கு நுளம்புப் பெருக்கத்தைக் கட்டுப்படுத்தும் முகமாக வீடு வீடாகச் சென்று சோதனைகள் மேற்கொள்ளப்பட்டு வரப்படுகின்றன.

டெங்கு நுடங்புகளைக் கட்டுப்படுத்துவது தொடர்பில் விழிப்புணர்வுகளை ஏற்படுத்தி வருவதோடு, டெங்கு நுளப்புப் பெருக்கும் இடங்களை அடையாளம் கண்டு அழிப்பதுடன், நுளம்புகள் பெருகும் இடங்களையும், பொருட்களையும் அதற்குரிய சூழலையும் வைத்திருப்பவர்கள் எச்சரிக்கப்பட்டு, ஆலோசனைகள் வழங்கப்பட்டு வருவதாக, பொதுச் சுகாதர பரிசோதகர் தெரிவித்தார்.

இந்த நடவடிக்கையின் போது, செட்டிபாளையம் பொதுச் சுகாதர பரிசோதகர் எஸ்.சிவசுதன், பொதுச் சுகாதர வைத்திய அலுவலக உத்தியோகத்தர்கள் உள்ளிட்டோர் இணைந்திருந்தனர்.