தோணாக் காணி; அரசு உடைமையாக்கப்பட்டது

-ரீ.எல்.ஜவ்பர்கான்

காத்தான்குடி, அட்வகேட் அப்துல் காதர் மாவத்தையில் சட்டவிரோதமாக அபகரிக்கப்பட்ட  தோணாக் காணி, மட்டக்களப்பு நீதவான் நீதிமன்றத்தின் உத்தரவுக்கமைய இன்று அரசு உடைமையாக்கப்பட்டுள்ளது.

18.5 பேர்ச்; கொண்ட இந்த அரச காணியை பல வருடங்களாக தனிபர் ஒருவர் ஆக்கிரமித்து, அதை தனக்குச் சொந்தமாக்கியுள்ளார்.

இச்சட்டவிரோத நடவடிக்கைக்கு எதிராக மட்டக்களப்பு நீதவான் நீதிமன்றத்தில் காத்தான்குடிப் பிரதேச செயலகம் வழக்குத் தாக்கல் செய்திருந்தது.

இந்தக் காணி அரசாங்கத்துக்கு சொந்தமானது என்று  நீதிமன்றம் தீர்ப்பளித்ததுடன், காத்தான்குடிப் பிரதேச செயலகத்துக்கு சொந்தமாக்கப்பட்டது.