திருட்டுகளை தடுக்க வீதிகளில் மின்விளக்குகள் பொருத்தல்

எம்.எம்.அஹமட் அனாம்

ஊரடங்குச் சட்டம் அமுலிலுள்ள கால வேளையில் திருட்டுச் சம்பவம் இடம்பெற்று வருவதால், மக்களின் பாதுகாப்புக் கருதி, வாழைச்சேனை பகுதி வீதிகளில் மின் விளக்குகள் பொருத்தப்பட்டு வருகின்றன.

வாழைச்சேனை பிரதேச சபை உறுப்பினர் க.கமலநேசனின் சொந்த நிதி மூலம் வாழைச்சேனை, புதுக்குடியிருப்பு ஆகிய பகுதிகளில் காணப்படும் வீதிகளில் இவ்வாறு மின் விளக்குகள் பொருத்தப்பட்டன.

ஊரடங்கு சட்டம் அமுலிலுள்ள கால வேளையில் திருட்டுச் சம்பவம் இடம்பெற்று வருவதால் மக்கள் பாதுகாப்பு கருதி, பிரதேச மக்களின் வேண்டுகோளின் பிரகாரம் குறித்த வீதிகளுக்கு மின் விளக்குகள் பொருத்தப்படதாக, வாழைச்சேனை பிரதேச சபை உறுப்பினர் க.கமலநேசன் தெரிவித்தார்.