தென் எருவில்பற்று பிரதேச சபையின் வரவு - செலவுத் திட்டம் சமர்ப்பிப்பு

மட்டக்களப்பு, மண்முனை தென் எருவில்பற்று பிரதேச சபையின் 9ஆவது அமர்வு, தவிசாளர் ஞா.யோகநாதன் தலைமையில், பிரதேச சபையின் மாநாட்டு மண்டபத்தில் இன்று (15)  நடைபெற்றது.

இச்சபை அமர்பின்போது, 2019 ஆம் அண்டுக்கான வரவு – செலவுத் திட்டத்தை தவிசாளர் சபையில் சமர்ப்பித்தார்.

இன்று சமர்ப்பிக்கப்பட்டுள்ள வரவு – செலவுத் திட்டத்தை பிறிதொரு நாளில் விசேட அமர்வு ஒன்றை நடத்தி, அதில் விவாதித்து சபையில் அங்கிகாரம் பெறுவோமென, சபை உறுப்பினர் ஒருவர் முன்மொழிந்ததையடுத்து, சமர்ப்பிக்கப்பட்ட வரவு – செலவுத் திட்டம் விசேட அமர்வில் விவாதித்து அங்கிகரிப்பதற்காக பிற்போடப்பட்டுள்ளது.

இதன்போது பிரதேச சபை உப தவிசாளர் உள்ளிட்ட அனைத்து உறுப்பினர்களும் கலந்துகொண்டிருந்தனர்.